Türkmenistanyň Magtymguly adyndaky Ýaşlar guramasynyň Daşoguz welaýatynyň Şabat etrap Geňeşiniň, etrabyň häkimliginiň, jemgyýetçilik guramalarynyň, etrabyň medeniýet bölüminiň bilelikde guramagynda etrabyň Altynýol geňeşliginiň Dilewar oba medeniýet öýünde mukaddes Garaşsyzlygymyzyň 34 ýyllygy mynasybetli “Garaşsyzlyk — buýsanjymyzyň täji” atly dabaraly maslahat geçirildi.
Çärede il sylagly ýaşulular, Türkmenistanyň Magtymguly adyndaky Ýaşlar guramasynyň we beýleki jemgyýetçilik guramalarynyň wekilleri çykyş edip, Gahryman Arkadagymyzyň, Arkadagly Gahryman Serdarymyzyň taýsyz tagallalary netijesinde bu gün Watanymyz ýer ýüzünde asudalygyň, dost-doganlygyň dabaralanýan mekany, dünýäniň ähli halklarynyň asuda we bagtyýar ýaşaýyşyna gönükdirilen möhüm ähmiýetli başlangyçlary öňe sürýän ýurt hökmünde tanalýandygyny belläp geçdiler.
Dabaraly maslahatyň dowamynda etrabyň medeniýet bölüminiň sungat ussatlarynyň çykyşlaryna uly orun berildi.
Maslahatyň ahyrynda oňa gatnaşanlar türkmen halkynyň abadan, asuda durmuşda ýaşamagy ugrunda giň mümkinçilikleri döredip berýän Gahryman Arkadagymyzyň, Arkadagly Gahryman Serdarymyzyň adyna alkyş sözlerini beýan etdiler.
Soltanmyrat ALLABERENOW,
Türkmenistanyň Magtymguly adyndaky Ýaşlar guramasynyň
Daşoguz welaýatynyň Şabat etrap Geňeşiniň
Guramaçylyk bölüminiň müdiri.
