Türkmenistanyň Magtymguly adyndaky Ýaşlar guramasynyň Balkan welaýatynyň Balkanabat şäher Geňeşiniň guramagynda «Gara altyn» çagalar sagaldyş we dynç alyş merkezinde tomusky dynç alyş möwsüminde dynç alýan çagalaryň arasynda «Ýol hereketiniň howpsuzlygy – ömrümiziň rahatlygy» ady bilen ýol hereketiniň howpsuzlygy boýunça toparlaýyn bäsleşikler geçirildi. Geçirilen bäsleşiklere çagalar uly höwes bilen gatnaşdylar. Bäsleşikde «Nebitçi» topary 1-nji orna, «Deňizçi» topary 2-nji orna, «Galkynyş», «Burawçy» we «Hazar» toparlary 3-nji orna mynasyp boldular. Bäsleşikde ýeňiji bolan çagalara Türkmenistanyň Magtymguly adyndaky Ýaşlar guramasynyň Balkan welaýatynyň Balkanabat şäher Geňeşi tarapyndan ýadygärlik sowgatlary gowşuryldy.
Baýramgül HEMRAÝEWA,
Türkmenistanyň Magtymguly adyndaky
Ýaşlar guramasynyň Balkan welaýatynyň
Balkanabat şäher Geňeşiniň Hazar şäherçe
bölümçesiniň baş hünärmeni.
