Golaýda Türkmenistanyň Magtymguly adyndaky Ýaşlar guramasynyň Balkan welaýat Geňeşiniň welaýat çagalar sungat mekdebi bilen bilelikde guramagynda Çagalary goramagyň halkara güni mynasybetli welaýatyň Beýik Saparmyrat Türkmenbaşy adyndaky döwlet drama teatrynyň girelgesinde aýdym-sazly baýramçylyk çäresi geçirildi.
Çäräniň dowamynda welaýat çagalar sungat mekdebinde bilim alýan çagalaryň ýürek buýsançlaryna, aýdymdyr-sazlara, tans toparlarynyň ajaýyp çykyşlaryna giň orun berlip, çykyş eden çagalara Türkmenistanyň Magtymguly adyndaky Ýaşlar guramasynyň Balkan welaýat Geňeşi tarapyndan ýadygärlik sowgatlary gowşuryldy.
Çäräniň ahyrynda oňa gatnaşanlar döwrebap bilim almagy, ylym öwrenmegi, sport we döredijilik bilen meşgullanmagy ugrunda döredip berýän giň mümkinçilikleri üçin Gahryman Arkadagymyzyň, Arkadagly Gahryman Serdarymyzyň adyna çaga kalplaryndan köp sag bolsun aýtdylar.
Güýçmyrat ÝAGŞYÝEW,
Türkmenistanyň Magtymguly adyndaky
Ýaşlar guramasynyň Balkan welaýat
Geňeşiniň başlygynyň w.w.ýe.ýe.
