Ýaňy-ýakynda Türkmenistanyň Magtymguly adyndaky Ýaşlar guramasynyň Daşoguz welaýat Geňeşi Daşoguz welaýatynyň Taryhy we ülkäni öwreniş muzeýinde Daşoguz şäheriniň çagalar çeperçilik mekdebiniň okuwçylarynyň arasynda surat çekmek boýunça bäsleşik geçirdi.
Ýylymyzyň şygaryny dabaralandyrmak, ýaşlaryň döredijilik ukyplaryny artdyrmak, hünär taýýarlyklarynyň derejesini ýokarlandyrmaga höwes döretmek maksady bilen geçirilen bäsleşige okuwçylar uly höwes bilen gatnaşdylar.
Bäsleşige hödürlenen işlere eminler toparynyň garamagynda seljerme işleri geçirilip, olaryň arasyndan has tapawutlananlary saýlanyp alyndy. Has takygy, bäsleşige gatnaşan ýaş suratkeşleriň has tapawutlananlaryna baýrakly orunlar kesgitlenildi. Bäsleşigiň ýeňijilerine Ýaşlar guramasynyň ýerli Geňeşiniň Hormat hatlary we ýadygärlik sowgatlary gowşuryldy.
Mämetjan BABAÝEW,
Türkmenistanyň Magtymguly adyndaky
Ýaşlar guramasynyň Daşoguz welaýatynyň
Geňeşiniň esasy hünärmeni.
