Golaýda Mary nebit-gaz orta hünär okuw mekdebiniň mejlisler jaýynda Arkadagly Gahryman Serdarymyza Türkmenistanyň «Arkadag» medalynyň dabaraly ýagdaýda gowşurylmagy hem-de Gahryman Arkadagymyzyň «Türkmenistanyň dermanlyk ösümlikleri» atly düýpli ylmy işiniň 15-nji jildiniň çapdan çykmagy mynasybetli hoşallyk maslahaty geçirildi.
Türkmenistanyň Magtymguly adyndaky Ýaşlar guramasynyň Mary welaýatynyň Mary şäher Geňeşiniň hem-de Mary nebit-gaz orta hünär okuw mekdebiniň bilelikde guramaklarynda geçirilen maslahat «Arkadag Serdarly bagtyýar ýaşlar, Goşa ganat bilen belentdir başlar» diýlip atlandyryldy. Oňa şol mekdebiň talyp ýaşlary, mugallymlary hem-de TMÝG-niň işjeň agzalary gatnaşdylar. Maslahatda täsirli çykyşlara giň orun berildi.
Çykyşlarda, eziz Diýarymyzda Arkadagly Gahryman Serdarymyzyň parasatly ýolbaşçylygynda adamyň kanuny bähbitlerini goramak we üpjün etmek boýunça hukuk kepillikleri döredilip, aýratyn hemaýata mätäç çagalary durmuşa uýgunlaşdyrmakda giň möçberli işleriň durmuşa geçirilýändigi dogrusynda, ata-babalarymyzyň asylly ýörelgelerini özünde jemleýän Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň işine yzygiderli goldaw bermekde, ýurdumyzda ynsanperwerlik, adalatlylyk, sahawatlylyk ýörelgelerini durmuşa geçirmek bilen, haýyr-sahawat işini ösdürmekde bitiren aýratyn görnükli hyzmatlary üçin Hormatly Prezidentimize Türkmenistanyň «Arkadag» medalynyň dakylmagynyň hem-de türkmen halkynyň Milli Lideri, lukmançylyk ylymlarynyň doktory, professor Gahryman Arkadagymyzyň «Türkmenistanyň dermanlyk ösümlikleri» atly düýpli ylmy işiniň 15-nji jildiniň çapdan çykmagynyň ýaşlaryň buýsançly başynyň göge ýetirendigi barada guwançly gürrüňler edildi.
Şeýle hem, çykyşlaryň her birinde ata Watanymyzy bedew bady bilen öňe alyp barýan Gahryman Arkadagymyza hem-de Arkadagly Gahryman Serdarymyza berk jan saglyk, uzak ömür, döwletli işlerinde rowaçlyk arzuw edildi.
Resul BAÝRAMOW,
TMÝG-niň Mary welaýatynyň
Mary şäher Geňeşiniň başlygy.
