Ýakynda Mary welaýatynyň Murgap etrabynyň 19-njy orta mekdebiniň okuwçy gyzlarynyň arasynda Halkara parahatçylyk we ynanyşmak ýylynda Gahryman Arkadagymyzyň we Arkadagly Gahryman Serdarymyzyň başda durmagynda asyrlar-boýy dowam edip gelýän milli mirasymyzy giňden açyp görkezmek we milli mirasa sarpasyny döretmek maksady bilen «Milli miras – terbiýäniň özeni» atly el işlerini ýerine ýetirmek boýunça döredijilik bäsleşigi geçirildi.
Bäsleşik diýseň gyzykly, özboluşly wakalara eýe boldy. Ýaş nesilleri hemmetaraplaýyn ylymly-bilimli edip terbiýeläp ýetişdirmekde, ene-mamalarymyzdan asyrlar boýy dowam edip gelýän asylly däpleri, edep-ekramy açyp görkezmekde mekdep okuwçy gyzlar gyzykly çykyş edip, öz ukyp-başarnyklaryny görkezdiler.
Döredijilik bäsleşiginiň ahyrynda oňa gatnaşanlar, milli mirasymyzy gorap saklamakda we ony dünýä ýaýmakda taýsyz tagallalary edýän Gahryman Arkadagymyza we Arkadagly Gahryman Serdarymyza çäksiz alkyşlaryny aýtdylar.
Gülkamar MUHAMMETDURDYÝEWA,
Türkmenistanyň Magtymguly adyndaky Ýaşlar guramasynyň
Mary welaýatynyň Murgap etrap Geňeşiniň Guramaçylyk
bölüminiň sanly ulgam boýunça esasy hünärmeni.
