Ilkinji Bütindünýä Jemgyýetçilik Assambleýasynyň çäklerinde 19-njy sentýabrda Moskwa şäherinde geçiriljek «Agzybirligiň nesli» atly halkara ýaşlar forumyna gatnaşmak üçin ýaşlaryň arasynda gatnaşyjylary kabul etmek başlandy.
Russiýa Federasiýanyň paýtagtynda geçiriljek halkara ýaşlar forumynyň dünýäniň 15-den gowrak ýurtlaryndan ýaş ýolbaşçylaryny, bilermenlerini, jemgyýetçilik işgärlerini, talyplaryny, telekeçilerini, meýletinçilerini we ýaşlar guramalarynyň wekillerini bir ýere jemlemegine garaşylýar.
Ýaşlaryň gatnaşmagynda geçirilýän bu iri forum halkara ýaşlar hyzmatdaşlygyny ösdürmäge, ýurtlaryň arasyndaky özara düşünişmegini berkitmäge, tejribe alyşmaga we dünýä meseleleriniň döwrebap çözgütlerini bilelikde gözlemäge gönükdirilendir.
Çärä gatnaşmak isleýän ýaşlar aşakdaky salgylanma arkaly bellige alyş resminamalaryny dolduryp, arza tabşyrmalydyrlar.
«Agzybirligiň nesli» atly halkara ýaşlar forumy dünýä halklaryň Bütindünýä Jemgyýetçilik Assambleýasynyň başlangyjy bilen halkara jemgyýetçiligiň wekilleriniň peýdaly özara baglanyşygyny ara alyp maslahatlaşmak we meselelerini çözmek maksady bilen ilkinji gezek guralan esasy wakalaryň biridir.
«Düşünilen agzybirligiň täze dünýäsi» atly Bütindünýä Jemgyýetçilik Assambleýasy 20–21-nji sentýabrda Moskwadaky halkara söwda merkeziniň binýadynda geçiriler.
Bütindünýä Jemgyýetçilik Assambleýasy 140-dan gowrak ýurtlardan 2000-den gowrak gatnaşyjylary bir ýere jemlär. Olaryň arasynda jemgyýetçilik işgärleri, syýasatçylar, diplomatlar, alymlar, bilim we medeniýet ugurlaryndaky bilermenler, ýaş ýolbaşçylar, türgenler, kosmonawtlar, telekeçiler, halkara öňdebaryjy köpçülikleýin habar beriş serişdeleriniň wekilleri, halkara hem-de hökümetara we hökümete degişli däl guramalarynyň, şol sanda BMG, ÝUNESKO, ŞHG, BRIKS, ASEAN, ÝYB, GDA-nyň wekilleri bar.
Bütindünýä Jemgyýetçilik Assambleýasy – bu umumy geljegiň manylaryny gözlemek we döretmek, dünýä halklaryň düşünilen bitewüligini berkitmek üçin täze halkara aragatnaşyk meýdançasydyr. Gatnaşyjylaryň açyk gepleşigi geljek üçin jogapkärçiligiň, hormat goýmagyň we adamzadyň esasy ruhy-ahlak gymmatlyklaryny gorap saklamagyň ýörelgelerine esaslanýan halkara hyzmatdaşlygyň täze çäkleriniň emele gelmegine ýardam bermäge gönükdirilendir.
Assambleýanyň gatnaşyjylarynyň bellige almagy hem şu günlerde bu çäräniň resmi web-sahypasynda dowam edýär.
Guramaçylaryň belleýşi ýaly, Bütindünýä Jemgyýetçilik Assambleýasynyň geçirilmegi BMG-niň Baş Assambleýasy tarapyndan döredilen Halkara parahatçylyk gününe gabat getirilýär. Bu diňe bir nyşan däl – bu bütin adamzadyň mynasyp geljegini üpjün edip biljek ýeke-täk ýol hökmünde parahatçylyga we ylalaşyga bilelikde hyzmat etmegiň zerurdygyny ýatladýar.
turkmenistan.gov.tm
