Golaýda Türkmenistanyň Magtymguly adyndaky Ýaşlar guramasynyň Esenguly etrap Geňeşiniň etrabyň hukuk goraýjy edaralarynyň wekilleri bilen bilelikde guramagynda etrap medeniýet bölüminde terbiýeçilik işlerini güýçlendirmek maksady bilen wagyz-nesihat duşuşygyny geçirdi.
Çäräniň dowamynda çykyş edenler Türkmenistanyň dünýä döwletleri we halkara guramalary bilen syýasy, ykdysady, medeni, ylym–bilim, sport we beýleki ugurlarda özara bähbitli hyzmatdaşlygyň ýola goýulmagynda we oňyn bitaraplyk daşary syýasatynyň amala aşyrylmagynda ýaşlara uly ynam bildirilýändigini, jemgyýetimizde ýaşlaryň durmuş ykdysady we syýasy hukuklarynyň doly goralýandygyny, ýurdumyzyň gysga taryhy döwürde ösüp barýan ýurtlaryň hatarynda mynasyp orny eýeleýändigini nygtap geçdiler.
Çäräniň ahyrynda oňa gatnaşanlar ösüp gelýän ýaş nesilleriň bagtly geljegi üçin uly tagallalar edýän Gahryman Arkadagymyzyň, Arkadagly Gahryman Serdarymyzyň adyna alkyş sözlerini beýan etdiler.
Tagandurdy TAGANDURDYÝEW,
Türkmenistanyň Magtymguly adyndaky
Ýaşlar guramasynyň Balkan welaýatynyň
Esenguly etrap Geňeşiniň başlygy.
