Ýakynda Türkmenbaşy dokma toplumynyň Magtymguly adyndaky ilkinji Ýaşlar guramasynyň guramagynda dokma toplumynda zähmet çekýän hünärmenleriň gatnaşmagynda wagyz-nesihat duşuşygy geçirildi.
Çäräniň dowamynda çykyş edenler ýurdumyzyň ykdysady kuwwatyny pugtalandyrmakda dokma toplumynyň uly paýynyň bardygy, dokma senagatyny häzirki zaman tehnologiýalar we dünýäniň öňdebaryjy tejribeleri esasynda ösdürmegiň ykdysady syýasatyň ileri tutulýan ugurlarynyň biridigi, dokma toplumynda öndürilýän ýokary hilli önümleriň ýurdumyzda we daşary ýurtlarda uly meşhurlyga eýedigi dogrusynda giňişleýin söhbet etdiler.
Çäräniň ahyrynda oňa gatnaşanlar bagtyýar türkmen halkynyň asuda, abadan, parahat durmuşda ýaşamagy, ýaşlaryň döwrebap bilim almagy, ylym öwrenmegi ugrunda giň mümkinçilikleri döredip berýän türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň adyna alkyş sözlerini beýan etdiler.
Gülälek TEJENGELDIÝEWA,
Türkmenbaşy dokma toplumynyň Magtymguly
adyndaky IÝG-niň uly buhgalteri.
