Golaýda Baýramaly etrap, şäher häkimlikleriniň, jemgyýetçilik guramalarynyň, syýasy partiýalaryň, bilim we medeniýet bölümleriniň bilelikde guramagynda Baýramaly şäher medeniýet öýünde «Watanyň şöhraty äleme dolsun» atly aýdym-sazly baýramçylyk dabarasy geçirildi.
Çäräniň dowamynda medeniýet we sungat işgärleriniň ýerine ýetiren ajaýyp aýdymdyr-tanslary we görkezme çykyşlary gatnaşyjylara egsilmez şatlyk, ylham-joşgun paýlap, olaryň her birini Halkara parahatçylyk we ynanyşmak ýylynda Garaşsyz, hemişelik Bitarap Watanymyzda täze belent sepgitleri, ösüşleri gazanmaga ruhlandyrdy.
Baýramçylyk dabarasynyň ahyrynda oňa gatnaşanlar türkmen halkynyň milli mirasyny, däp-dessurlaryny aýawly saklamakda, dünýä ýaýmakda giň gerimli işleri durmuşa geçirýän Gahryman Arkadagymyzyň, Arkadagly Gahryman Serdarymyzyň adyna alkyş sözlerini beýan etdiler.
Azat MUHIÝEW,
Türkmenistanyň Magtymguly adyndaky
Ýaşlar guramasynyň Mary welaýatynyň
Baýramaly etrap Geňeşiniň Guramaçylyk
bölüminiň müdiri.
