Golaýda Türkmenistanyň Magtymguly adyndaky Ýaşlar guramasynyň Mary welaýatynyň Tagtabazar etrap Geňeşiniň, şol etrabyň 2-nji sport mekdebi bilen bilelikde guramagynda etrabyň orta mekdepleriniň arasynda “Saglyk — bahasyz baýlyk” atly sportuň milli göreş görnüşi boýunça bäsleşik geçirildi.
Bäsleşik çekeleşikli we gyzgalaňly geçip, birinji orna etrabyň 2-nji sport mekdebiniň türgenleri, ikinji orna 26-njy orta mekdebiniň okuwçylary, üçünji orna etrabyň 25-nji orta mekdebiniň okuwçylary mynasyp boldular. Tapawutly çykyş eden ýaş türgenlere Türkmenistanyň Magtymguly adyndaky Ýaşlar guramasynyň Mary welaýatynyň Tagtabazar etrap Geňeşi tarapyndan Hormat hatlary we ýadygärlik sowgatlary gowşuryldy.
Bäsleşigiň ahyrynda oňa gatnaşanlar sport bilen meşgullanmaga, bedenterbiýäni we sagdyn durmuş ýörelgesini wagyz etmäge döredip berýän ähli şert-mümkinçilikleri üçin türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň adyna alkyş sözlerini beýan etdiler.
Maksatmyrat TÄÇMUHAMMEDOW,
Türkmenistanyň Magtymguly adyndaky
Ýaşlar guramasynyň Mary welaýatynyň
Tagtabazar etrap Geňeşiniň Serhetabat
şäher bölümçesiniň esasy hünärmeni.
