Golaýda Türkmenistanyň Magtymguly adyndaky Ýaşlar guramasynyň Mary welaýatynyň Tagtabazar etrap Geňeşiniň, etrap bilim bölüminiň, etrap Zenanlar guramasynyň bilelikde guramagynda etrabyň 20-nji orta mekdebinde bilim alýan gyzlaryň arasynda «Gyz edebi — il edebi» atly wagyz-nesihat duşuşygy geçirildi.
Duşuşykda ýurdumyzda zenanlara goýulýan belent sarpa, döwlet tarapyndan berilýän kömekdir-goldawlar, türkmen zenanlaryna mahsus asyllylyk, ahlak kadalaryny berjaý etmek, maşgala mukaddesligi dogrusynda täsirli çykyşlar edildi.
Duşuşygyň ahyrynda oňa gatnaşanlar Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny, il-ýurt bähbitli, umumadamzat ähmiýetli işleriniň elmydama rowaçlyklara beslenmegini arzuw etdiler.
Ogulboldy ÖWEZBERDIÝEWA,
Türkmenistanyň Magtymguly adyndaky
Ýaşlar guramasynyň Mary welaýatynyň
Tagtabazar etrap Geňeşiniň baş hünärmeni.
