Golaýda Tagtabazar etrap medeniýet bölüminde Türkmenistanyň Magtymguly adyndaky Ýaşlar guramasynyň Mary welaýatynyň Tagtabazar etrap Geňeşiniň Tagtabazar etrap medeniýet bölümi bilen bilelikde guramagynda 2025-nji Halkara parahatçylyk we ynanyşmak ýylynda baky Bitaraplygymyzyň 30 ýyllygy mynasybetli etrabyň gelin-gyzlaryny aýdym-saza, sungata we medeniýete höweslendirmek maksady bilen, «Deňeýän keşbiňi çogly güneşe» ady bilen döredijilik bäsleşigi geçirildi.
Gyzykly we çekeleşikli geçen bäsleşikde ýaş zehinli aýdymçylar Ata Watanymyzy, ýurdumyzyň ösüşlerini wasp edýän aýdym-sazly kompozisiýalary ýerine ýetirdiler.
Bäsleşigiň ahyrynda oňa gatnaşanlar döredijilik bilen meşgullanmaga, hünär taýdan kämilleşmäge döredip berýän giň mümkinçilikleri üçin Gahryman Arkadagymyzyň, Arkadagly Gahryman Serdarymyzyň adyna alkyş sözlerini beýan etdiler.
Kakajan TÄÇGULYÝEW,
Türkmenistanyň Magtymguly adyndaky
Ýaşlar guramasynyň Mary welaýat
Geňeşiniň kätibi.
