Ýakynda Türkmenistanyň Magtymguly adyndaky Ýaşlar guramasynyň Mary welaýatynyň Baýramaly etrap Geňeşiniň hem-de etrap hassahanasynyň bilelikde guramagynda “Sagdyn jemgyýet — sagdyn nesil” atly maslahat duşuşygy geçirildi.
Ýaşlaryň arasynda sagdyn durmuş ýörelgesini wagyz etmek maksady bilen geçirilen duşuşykda täsirli çykyşlar edildi. Çykyş edenler ýurdumyzda saglyk ulgamynyň ýylsaýyn ösmegi, özgermegi ugrunda giň mümkinçilikleriň döredilýändigi, ýaşlaryň sagdyn durmuşda kemala gelmegi babatynda taýsyz tagallalaryň edilýändigi hakynda giňişleýin gürrüň etdiler.
Duşuşygyň ahyrynda oňa gatnaşanlar ynsan saglygy ugrunda aladalanyp, giň mümkinçilikleri döredip berýän Gahryman Arkadagymyza, Arkadagly Gahryman Serdarymyza alkyş sözlerini beýan etdiler.
Hojamyrat AKMYRADOW,
Türkmenistanyň Magtymguly adyndaky
Ýaşlar guramasynyň Mary welaýatynyň
Baýramaly etrap Geňeşiniň başlygy.
