Golaýda TMÝG-niň Mary welaýatynyň Ýolöten etrap Geňeşiniň hem-de etrap bilim bölüminiň bilelikde guramagynda Ýolöten şäheriniň medeniýet merkeziniň merkezi kitaphanasynda “Gahryman Arkadagymyzyň eserleri – ýaşlaryň ýol ýörelgesi” atly döredijilik duşuşygy geçirildi.
Duşuşygyň dowamynda watansöýüji, ukyp-başarnykly, beden we ruhy taýdan sagdyn ýaş nesilleri terbiýelemek dogrusynda alnyp barylýan işler dogrusynda giňişleýin gürrüň edildi. Eziz Diýarymyzda amala aşyrylýan ägirt uly özgertmeleriň netijesinde bilim ojaklarynyň sanynyň yzygiderli artdyrylmagy ylym-bilim ulgamynyň dünýä ölçeglerine laýyklykda ösdürilýändiginiň aýdyň subutnamasydyr.
Duşuşygyň ahyrynda oňa gatnaşyjylar asuda durmuşda ýaşamaga, okamaga, öwrenmäge giň mümkinçilikleri döredýän Gahryman Arkadagymyza, Arkadagly Gahryman Serdarymyza alkyş sözlerini beýan etdiler.
Şatlyk SERDAROW,
Türkmenistanyň Magtymguly adyndaky
Ýaşlar guramasynyň Mary welaýat Geňeşiniň
Guramaçylyk bölüminiň esasy hünärmeni.
