Ýakynda Türkmenistanyň Magtymguly adyndaky Ýaşlar guramasynyň Aşgabat şäheriniň Berkararlyk etrap Geňeşiniň Berkararlyk etrap häkimligi bilen bilelikde guramagynda “Sport-saglyk-sagdynlyk” ady bilen Aşgabat şäheriniň daşary ýurt dillerine ýöriteleşdirilen 132-nji orta mekdebinde okaýan ýokary synp okuwçylaryň gatnaşmagynda sportuň dürli görnüşleri boýunça sport bäsleşigi geçirildi.
Geçirilýän sport bäsleşikleri mekdep okuwçylarynyň beden saglygyny berkitmäge, olaryň ukyp başarnygyny ýokarlandyrmaga mümkinçilik berýär. Dürli bäsleşikleriň yzygiderli geçirilip durulmagy eziz Diýarymyzda ýaş nesliň döwrebap derejede sport bilen meşgullanmagy üçin netijeli işleriň durmuşa geçirilýändigini görkezýär.
Ýurdumyzda sportuň ähli görnüşleriniň ösdürilmegi, oňa ýaş nesliň işjeň çekilmegi ugrunda edýän tagallalary üçin Gahryman Arkadagymyzyň, Arkadagly Gahryman Serdarymyzyň janlary sag bolsun, il-ýurt bähbitli amala aşyrýan beýik işleri hemişe rowaçlyklara beslensin.
Gülaýym AŞYROWA,
Türkmenistanyň Magtymguly adyndaky
Ýaşlar guramasynyň Aşgabat şäheriniň
Berkararlyk etrap Geňeşiniň Guramaçylyk
bölüminiň esasy hünärmeni.
