Ýakynda TMÝG-niň Garagum etrap Geňeşiniň guramagynda etrapdaky 5-nji çagalar bakja-bagynda ýaş nesilleriň ruhy taýdan sagdyn bolup ýetişmeklerini gazanmak maksady bilen “Biz sporty söýýäris” atly sport bäsleşigi geçirildi.
Bäsleşikde körpeler bellenilen şertler boýunça öz aralarynda ýaryşdylar. Olar dürli maşklary, oýunlary ýerine ýetirip, özleriniň ukyp-başarnyklaryny aýan etdiler. Çagalaryň arasynda guralan bäsleşik diýseň gyzykly hem çekeleşikli geçdi.
Çäräniň ahyrynda oňa gatnaşanlar bagtyýar zamanada ýaşamaga, bilim almaga giň mümkinçilikleri döredip berýän Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny arzuw etdiler.
Hojaberdi BABAÝEW,
Türkmenistanyň Magtymguly adyndaky
Ýaşlar guramasynyň Mary welaýat Geňeşiniň
Umumy bölüminiň hojalyk işleri boýunça
esasy hünärmeni.
