Berkarar döwletiň täze eýýamynyň Galkynyşy döwründe Hormatly Prezidentimiziň başda durmagynda ata Watanymyz adamzat ösüşiniň belentliklerine tarap uly ynam bilen barýar. Halkara parahatçylyk we ynanyşmak ýylynda eşretli durmuşyň hözürini görýän halkymyzyň her bir güni şowhunly, şatlykly toýlara beslenýär.
Gözel görki gül açýan eziz Diýarymyzda bu gün Milli bahar baýramy Halkara Nowruz güni ulydan toýlanýar. Türkmenistanyň Magtymguly adyndaky Ýaşlar guramasynyň Mary welaýatynyň Murgap etrap Geňeşiniň guramagynda etrabyň 3-nji çagalar bakja bagynda Halkara Nowruz güni mynasybetli aýdym sazly baýramçylyk çäresi geçirildi. Körpeleriň ýerine ýetirmeginde şowhunly çykyşlara tomaşa edildi.
Çäräniň ahyrynda Türkmen döwletiniň asudalygyny, abadançylygyny ähli zatlardan ileri tutýan Gahryman Arkadagymyza, Arkadagly Gahryman Serdarymyza alkyş sözleri aýdyldy.
Ogulbibi NURYÝEWA,
Türkmenistanyň Magtymguly adyndaky
Ýaşlar guramasynyň Mary welaýatynyň
Murgap etrap Geňeşiniň uly buhgalteri.
