Ýakynda Mary şäheriniň umumybilim berýän orta mekdepleriniň kiçi we uly ýaşly okuwçylarynyň arasynda Türkmenistanyň Magtymguly adyndaky Ýaşlar guramasynyň Mary welaýatynyň Mary şäher Geňeşiniň, Mary şäher häkimliginiň hem-de Mary şäher Polisiýa bölüminiň bilelikde guramagynda wagyz-nesihat duşuşygy geçirildi.
Şäherdäki 36-njy orta mekdepde «Kämil nesil – bagtly geljegiň binýady» ady bilen geçirilen duşuşykda täsirli çykyşlara giň orun berlip, onda bagtyýar nesillerimiziň bolelin durmuşda ýaşamagy, şadyýan, sagdyn ösmegi, döwrebap bilim-terbiýe almagy, hünär öwrenmegi, geljekde Watanymyza peýdaly adamlar bolup ýetişmegi ugrunda edilýän taýsyz tagallalar we döredilýän mümkinçilikler, tertip-düzgün hakynda giňişleýin gürrüň etdiler.
Duşuşygyň ahyrynda oňa gatnaşanlar bagtyýar zamanada döwrebap bilim almaga giň mümkinçilikleri döredip berýän Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny arzuw etdiler.
Mähri SAPAROWA,
Türkmenistanyň Magtymguly adyndaky
Ýaşlar guramasynyň Mary welaýatynyň
Mary şäher Geňeşiniň Guramaçylyk
bölüminiň esasy hünärmeni.
