Ýakynda Türkmenistanyň Magtymguly adyndaky Ýaşlar guramasynyň Sakarçäge etrap Geňeşiniň TDP-niň etrap komiteti, etrap bilim bölümi bilen bilelikde guramagynda etrabyň 1-nji orta mekdebinde wagyz-nesihat çäresi geçirildi. Oňa mekdebiň okuwçylarydyr mugallymlary gatnaşdylar.
Çärede TDP-niň etrap komitetiniň partiýa guramaçysy Mahym Hojagulyýewa, TMÝG-niň etrap Geňeşiniň esasy hünärmeni Gülüstan Nuryýewa, etrap bilim bölüminiň hünärmeni Baýram Çaryýew, 1-nji orta mekdebiň müdiri Döwlet Meredow dagylar çykyş etdiler. Çykyş edenler ýol hereketiniň kadalaryny dogry berjaý etmek, düzgün bozulmalaryň öňüni almak, sagdyn durmuş ýörelgelerine eýermek dogrusynda giňişleýin gürrüň berdiler.
Çäräniň ahyrynda oňa gatnaşanlar ýaşlaryň bagtyýar durmuşda ýaşamagy ugrunda beýik işleri durmuşa geçirýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.
Kerim ALTYÝEW,
Türkmenistanyň Magtymguly adyndaky
Ýaşlar guramasynyň Sakarçäge etrap
Geňeşiniň baş hünärmeni.
