Golaýda Türkmenistanyň Magtymguly adyndaky Ýaşlar guramasynyň Mary welaýatynyň Ýolöten etrap Geňeşiniň hem-de etrap bilim bölüminiň bilelikde guramagynda etrapdaky 1-nji çagalar bakja-bagynda terbiýelenýän çagalaryň arasynda «Ýaş suratkeşler» ady bilen surat çekmek boýunça döredijilik bäsleşigi geçirildi.
Ýaşlaryň döredijilik ukyp-başarnyklaryny ýüze çykarmak maksady bilen geçirilen bäsleşik diýseň gyzykly hem çekeleşikli boldy. Onda çagalar ata Watanymyzy, gözel tebigatymyzy wasp edýän suratlary çekdiler. Bäsleşige gatnaşan çagalara Türkmenistanyň Magtymguly adyndaky Ýaşlar guramasynyň Ýolöten etrap Geňeşi tarapyndan Hormat hatlary gowşuryldy.
Çäräniň ahyrynda oňa gatnaşanlar bagtyýar zamanada ýaşamaga, bilim almaga giň mümkinçilikleri döredip berýän Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny arzuw etdiler.
Şatlyk SERDAROW,
Türkmenistanyň Magtymguly adyndaky
Ýaşlar guramasynyň Mary welaýat Geňeşiniň
Guramaçylyk bölüminiň esasy hünärmeni.
