Golaýda Türkmenistanyň Magtymguly adyndaky Ýaşlar guramasynyň Mary welaýatynyň Murgap etrap Geňeşiniň guramagynda 4-nji çagalar bakja-bagynda «Bagtyýar döwrüň bagtly çagalary» atly aýdym-sazly çäre geçirildi.
Dabara gatnaşan körpeler Watanymyzy, halkymyzy, bagtyýar çagalygy wasp edýän goşgudyr aýdym sazlary bilen çykyş etdiler. Çärede işjeň çykyş edip tapawutlanan körpelere Türkmenistanyň Magtymguly adyndaky Ýaşlar guramasynyň Mary welaýatynyň Murgap etrap Geňeşi tarapyndan Hormat hatlary gowşuryldy.
Çäräniň ahyrynda kalplary buýsançdan doly çagalar Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny arzuw etdiler.
Gülkamar MUHAMMETDURDYÝEWA,
Türkmenistanyň Magtymguly adyndaky
Ýaşlar guramasynyň Murgap etrap Geňeşiniň
Guramaçylyk bölüminiň sanly ulgam boýunça
esasy hünärmeni.
