Şu gün Berdimuhamet Annaýew adyndaky Arkadag şäher mugallymçylyk orta hünär okuw mekdebinde Mukaddes Garaşsyzlygymyzyň 33 ýyllyk toýy mynasybetli guralan dabaralar, şöhratly ata-babalarymyzdan şu günlere miras galan maslahatlaşmak däbine eýerilip geçirilýän Türkmenistanyň Halk Maslahatynyň nobatdaky mejlisinden gelip çykýan wezipeler dogrusynda söhbet etmek üçin «tegelek stoluň» başyndaky söhbetdeşlik geçirildi.
Onda çykyş edenleriň belleýşi ýaly, gadymy hem müdimi türkmen halkymyz il bähbidini ilerläp, ähli meseleleri geňeşip, maslahatlaşyp çözüpdir. Şeýle hem söhbetdeşligiň barşynda Gahryman Arkadagymyzyň başlyklyk etmeginde geçirilen Halk Maslahatynyň nobatdaky mejlisinde hem ýurdumyzy döwrebap ösdürmek, raýatlaryň bagtyýarlygyny üpjün etmek babatda kabul edilen çözgütler, şeýle hem ähli ugurlary mundan beýläk-de ýokary derejede özgertmek maksady bilen öňde durýan wezipeler dogrusynda täsirli gürrüňler edildi.
Umyda KAKAÝEWA,
TMÝG-niň Arkadag şäheriniň
Geňeşiniň bölüm müdiri.
