Hormatly Prezidentimiziň ýurdumyzda köpçülikleýin bedenterbiýäni we sporty ösdürmek babatda alyp barýan syýasatyny ýaşlaryň arasynda wagyz etmek maksady bilen Türkmenistanyň Magtymguly adyndaky Ýaşlar guramasynyň Balkan welaýatynyň Esenguly etrap Geňeşi hem-de etrabyň Bedenterbiýe we sport bölümi bilen bilelikde 2115 harby bölüminde gulluk edýän esgerleriň arasynda «Berkarar döwletiň sagdyn ýaşlary» ady bilen sportuň küşt we şaşka görnüşi boýunça bäsleşik guraldy.
Bäsleşik diýseň gyzykly geçip, oňa gatnaşan esgerler öz ukyp-başarnyklaryny görkezdiler. Ýeňiji bolanlara Türkmenistanyň Magtymguly adyndaky Ýaşlar guramasynyň Balkan welaýatynyň Esenguly etrap Geňeşi tarapyndan ýadygärlik sowgatlary gowşuryldy.
Alfiýa ŞEMMIÝEWA,
Türkmenistanyň Magtymguly adyndaky Ýaşlar guramasynyň
Balkan welaýatynyň Esenguly etrap Geňeşiniň Guramaçylyk
bölüminiň sanly ulgamy boýunça esasy hünärmeni.
