Ýakynda, Lebap welaýatynyň Çärjew etrap häkimliginiň maslahatlar zalynda Türkmenistanyň Magtymguly adyndaky Ýaşlar Guramasynyň Lebap welaýatynyň Çärjew etrap Geňeşiniň, Kärdeşler Arkalaşygynyň Çärjew etrap birleşmesiniň, Türkmenistanyň Demokratik partiýasynyň Çärjew etrap komitetiniň, Çärjew etrap polisiýa bölüminiň, Çärjew etrap pensiýa gaznasy bilen bilelikde guramagynda jemgyýetçilik guramalary hem-de ýaşulularyň gatnaşmagynda «Halkyň söýüp, sylany–mähribany Arkadag, Watanyň şöhrat-şany – Gahrymany Arkadag!» ady bilen wagyz-nesihat duşuşygy geçirildi.
Duşuşykda ýurdumyzda «Ýaşlar barada döwlet syýasaty hakynda» Türkmenistanyň Kanunynyň rejelenen görnüşinden gelip çykýan wezipeleri durmuşa geçirmek, Hormatly Prezidentimiziň ýaşlaryň hukuk sowatlylygyny ýokarlandyrmak, giň gözýetimli, öz saýlan hünärine ussat watançy ýaşlar bolup ýetişmekleri barada berýän tabşyryklaryny ýerine ýetirmek dogrusynda giňişleýin gürrüň etdiler.
Duşuşygyň ahyrynda çykyş edenler ýaş nesiller üçin edilýän bimöçber aladalary üçin Gahryman Arkadagymyza, Arkadagly Gahryman Serdarymyza alkyş sözlerini aýtdylar.
Wepa ATAKULYÝEW,
Türkmenistanyň Magtymguly adyndaky
Ýaşlar Guramasynyň Lebap welaýatynyň
Çärjew etrap Geňeşiniň guramaçylyk
bölüminiň esasy hünärmeni.
