Golaýda Türkmenistanyň Magtymguly adyndaky Ýaşlar guramasynyň Daşoguz welaýatynyň Görogly etrap Geňeşi, etrabyň bilim bölümi bilen bilelikde guramagynda etrabyň 2-nji çagalar bakja-bagynda «Şadyýanja körpeler!» ady bilen sportuň hereketli oýunlarynyň birnäçe görnüşi boýunça ýaryş geçirdi. Çagalar bagynda terbiýelenýän körpeleriň sagdyn ösmeklerini gazanmak, berk bedenli sagdyn nesilleri kemala getirmek, körpe nesilleriň wagtlaryny şadyýanlyga beslemek maksady bilen geçirilen ýaryşa mekdebe taýýarlaýyş toparlary gatnaşdy.
Çekeleşikli geçen ýaryşda güýçli toparlar öňe saýlandy. Netijede, «Älemgoşar» topary birinji, «Güneş» topary ikinji, «Nowça» topary üçünji orna mynasyp boldy. ýeňijilere Türkmenistanyň Magtymguly adyndaky Ýaşlar guramasynyň etrap Geňeşiniň ýörite sowgatlary dabaraly ýagdaýda gowşuryldy.
Altyn ATAKOWA,
Türkmenistanyň Magtymguly adyndaky
Ýaşlar guramasynyň Daşoguz welaýatynyň
Görogly etrap Geňeşiniň bölüm müdiri.
