Topragyňda nebit-gazyň çykyp dur,
Bahry-Hazar tolkun urup akyp dur,
Bagyňda bilbiller nagma kakyp dur,
Garaşsyz Bitarap Türkmenistanym.
Soňsuz baýlyklaryň gory sende bar,
Kemerli dag, Garagumyň sende bar,
Parahatlyk, ynanyşmak sende bar,
Garaşsyz Bitarap Türkmenistanym.
Watan üçin edip elde baryny,
Gerek bolsa aýamaýar janyny,
Halk söýýär özüniň Arkadagyny,
Garaşsyz Bitarap Türkmenistanym.
Dutarda saýraýar şirin sazlaryň,
Degre-daşy gülli bahar ýazlaryň,
Bardyr sende uz bakyşly gyzlaryň,
Garaşsyz Bitarap Türkmenistanym.
Gözel SAPARMÄMMEDOWA,
Türkmenistanyň Magtymguly adyndaky
Ýaşlar guramasynyň Balkan welaýat Geňeşiniň
Guramaçylyk bölüminiň müdiri.
