Golaýda Türkmenistanyň Magtymguly adyndaky Ýaşlar guramasynyň Mary welaýatynyň Tagtabazar etrap Geňeşiniň guramagynda etrapdaky 1-nji sport mekdebine gatnaýan türgenleriň arasynda «Sagdyn nesil – röwşen geljegiň kepili» atly sportuň futbol görnüşi boýunça bäsleşik geçirildi.
Çekeleşikli häsiýete eýe bolan ýaryşda türgenler sport ussatlyklaryny görkezdiler. Onda ýeňiji bolan we aýratyn tapawutlanan türgenlere Türkmenistanyň Magtymguly adyndaky Ýaşlar guramasynyň Mary welaýatynyň Tagtabazar etrap Geňeşi tarapyndan Hormat hatlary gowşuryldy.
Bäsleşigiň ahyrynda oňa gatnaşanlar Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, il-ýurt bähbitli tutumly işleriniň rowaç bolmagyny arzuw etdiler.
Täzegül ÇARYÝEWA,
Türkmenistanyň Magtymguly adyndaky
Ýaşlar guramasynyň Mary welaýatynyň
Tagtabazar etrap Geňeşiniň esasy hünärmeni.
