Ýakynda Türkmenistanyň Magtymguly adyndaky Ýaşlar guramasynyň Mary welaýatynyň Tagtabazar etrap Geňeşiniň guramagynda etrabymyzyň 25-nji orta mekdebiniň okuwçy ýaşlarynyň gatnaşmagynda 2025-nji ýylyň «Halkara parahatçylyk we ynanyşmak ýyly» diýlip yglan edilmegi mynasybetli «Agzybirlik, parahatçylyk ösüşlere badalga» atly şygar bilen wagyz-nesihat duşuşygy geçirildi.
Wagyz-nesihat duşuşygynda täsirli çykyşlara giň orun berildi. Duşuşykda çykyş edenler 2025-nji ýylyň «Halkara parahatçylyk we ynanyşmak ýyly» diýlip atlandyrylmagynda uly many-mazmunyň bardygy, ýurdumyzyň her bir gününiň toýdur baýramlara beslenýändigi, üstümizdäki ýylda hemişelik Bitaraplygymyzyň 30 ýyllygynyň toýy uly ruhubelentlikde bellenjekdigi hakynda giňişleýin gürrüň etdiler.
Duşuşygyň ahyrynda oňa gatnaşyjylaryň ählisi ýurdumyzy asudalygyň, bagtyýarlygyň mekanyna öwürýän Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, il-ýurt bähbitli tutumly işleriniň rowaç bolmagyny arzuw etdiler.
Tawus AŞYROWA,
Türkmenistanyň Magtymguly adyndaky
Ýaşlar guramasynyň Tagtabazar etrap
Geňeşiniň Guramaçylyk bölüminiň
esasy hünärmeni.
