Ýakynda Türkmenistanyň Magtymguly adyndaky Ýaşlar guramasynyň Mary welaýatynyň Mary şäher Geňeşiniň guramagynda «Merw» bedenterbiýe-sport klubynyň futbolçylarynyň arasynda wagyz-nesihat duşuşygy geçirildi.
Ýaşlaryň arasynda sagdyn durmuş ýörelgelerini giňden wagyz etmek, olary köpçülikleýin sporta çekmek, ýaş nesilleriň ýaramaz endiklerden daşda durmagyny gazanmak maksady bilen geçirilen çärede Türkmenistanyň Magtymguly adyndaky Ýaşlar guramasynyň Mary welaýatynyň Mary şäher Geňeşiniň Guramaçylyk bölüminiň sanly ulgam boýunça esasy hünärmeni Akjeren Annadurdyýewa, «Merw» bedenterbiýe-sport klubynyň topar başlygy, ilkinji ýaşlar guramasynyň başlygy Aziz Aýdogdyýew dagylar çykyş etdiler.
Çykyş edenler Gahryman Arkadagymyzyň, Arkadagly Gahryman Serdarymyzyň saýasynda sport ulgamynda uly üstünlikleriň gazanylýandygy, türgenlerimiziň sport bilen meşgullanmagy üçin giň mümkinçilikleriň döredilýändigi hakynda giňişleýin durup geçdiler.
Duşuşygyň ahyrynda oňa gatnaşanlar ajaýyp zamanada sport bilen meşgullanmaga giň mümkinçilikleri döredip berýän Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny arzuw etdiler.
Maksat BÄŞIMOW,
Türkmenistanyň Magtymguly adyndaky
Ýaşlar guramasynyň Mary welaýat Geňeşiniň
Umumy bölüminiň sanly ulgam boýunça
esasy hünärmeni.
