Ýakynda, Lebap welaýatynyň Saýat etrabynyň Gülüstan daýhan birleşiginiň miweli bagynda, Türkmenistanyň Magtymguly adyndaky Ýaşlar guramasynyň Lebap welaýatynyň Saýat etrap Geňeşiniň hem-de etrap häkimliginiň, jemgyýetçilik guramalarynyň bilelikde guramagynda Gülüstan daýhan birleşiginiň bagbanlarynyň gatnaşmagynda ýaş bagbanlarymyzyň armasyny ýetirmek maksady bilen «Miweli baglaryň bol hasyly» atly duşuşyk geçirildi.
Duşuşykda ýaş bagbanlar şetdalynyň bol hasylyny ýygnadylar, hem-de şetdaly nahalynyň ösdürilip ýetişdirilişi, idedilişi barada gürrüň berdiler. Duşuşygyň dowamynda bagbanlar Berkarar döwletiň täze eýýamynyň Galkynyşy döwründe türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň oba hojalyk ulgamyny ösdürmekde alyp barýan işleri dogrusynda gürrüň berdiler.
Duşuşygyň ahyrynda bagbanlar ýurdumyzyň ähli künjegini bagy-bossanlyga öwürmek ugrunda uly tagallalar edýän türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini aýtdylar.
Jahan KADYROWA,
Türkmenistanyň Magtymguly adyndaky
Ýaşlar guramasynyň Lebap welaýatynyň
Saýat etrap Geňeşiniň Guramaçylyk
bölüminiň esasy hünärmeni.
