Berkarar döwletiň täze eýýamynyň Galkynyşy döwründe hormatly Prezidentimiziň parasatly baştutanlygynda gülläp ösýän, guwandyryjy üstünliklere, belent sepgitlere eýe bolýan eziz Diýarymyzyň batly gadamlary halkymyzy, kalby hyjuwdan doly bagtyýar ýaşlarymyzy joşdurýar. «Halkara parahatçylyk we ynanyşmak» ýylyny, Bitaraplygymyzyň şanly 30 ýyllyk toýuny dabaralandyrmak maksady bilen Türkmenistanyň Magtymguly adyndaky Ýaşlar guramasynyň Daşoguz welaýat Geňeşi «Daşoguz habarlary» gazetiniň redaksiýasy bilen bilelikde döredijilik bilen meşgullanýan ýaşlaryň arasynda «Parahat Watanyň ylhamly ýaşlary» döredijilik bäsleşigini geçirdi. Bäsleşigiň maksady milli medeniýetimiziň we sungatymyzyň rowaç menzillerini, Magtymguly Pyragynyň watançylygyň, ynsanperwerligiň we döwletliligiň waspyna öwrülen, çuňňur pähim-paýhasa ýugrulan edebi mirasyny, Berkarar döwletiň täze eýýamynyň Galkynyşy döwründe akyldar şahyrymyzyň asyrlar aşyp gelen isleg-arzuwlarynyň hasyl bolup, agzybir halkymyzyň bagtyýar we abadan durmuşda ýaşaýandygyny, hormatly Prezidentimiz Arkadagly Gahryman Serdarymyzyň parasatly baştutanlygynda ata Watanymyzyň dünýä ýaň salýan ösüşlerini wasp etmekden, «Halkara parahatçylyk we ynanyşmak» ýylyny dabaralandyrmakdan ybaratdyr. Bäsleşige ýurdumyzda döredijilik bilen meşgullanýan ýaşlar gatnaşyp iki şert boýunça erkin temadaky goşgular we oýlanmalar ýazmak şertleri boýunça gatnaşdylar. Ýörite düzülen eminler tarapyndan ýeňijiler yglan edildi goşgy ýazmak ugry boýunça birinji oruna Daşoguz şäher ýylylyk müdirliginiň energetik inženeri Ylham Gurbanalyýew, ikinji orna Akdepe etrabynyň ýaşaýjysy Söhbet Orzmuhammedow, üçünji orna S.Türkmenbaşy etrabynyň 5-nji orta mekdebiniň okuwçysy Güneş Agamedowa, oýlanma ýazmak ugry boýunça birinji orna Akdepe etrabynyň 95-nji orta mekdebiniň okuwçysy Aleşir Mätýakubow, ikinji orna S.Türkmenbaşy etrabynyň 72-nji orta mekdebiniň okuwçysy Berdimuhmmet Kazakbaýew, üçünji orna Türkmen oba hojalyk inistitutynyň talyby Altyn Hojamowa mynasyp bolup TMÝG-niň Daşoguz welaýat Geňeşiniň hem-de «Daşoguz habarlary» gazetiniň hormat hatlary we ýadygärlik sowgatlary bilen sylaglandylar.Bäsleşige gatnaşan ýaşlar döredijilik bilen meşgullanmana döredip berýän mümkinçilikleri üçin Türkmen halkynyň Milli Lideri Gahryman Arkadagymyza, Arkadagly Gahryman Serdarymyza çäksiz alkyşlaryny aýtdylar.
Nurýagdy GALPAKOW,
Türkmenistanyň Magtymguly adyndaky
Ýaşlar guramasynyň Daşoguz welaýat
Geňeşiniň baş hünärmeni.
